שרייבען-גרעמער

איך זעה אסאך שרייבער'ס דא זענען נישט קלאר
'און איך ווייס אז "איך" בין אויך נישט קלאר' פינקטלעך ווי אזוי צו שרייבען, ווי צום ביישפיל. ווען שרייבט מען און' און ווען אין, (דאכט זיך אז 'אין' מיינט? אין א זאך למשל 'אין' די גלאז און 'און' מיינט נאך א זאך ווי למשל 'און' אויך דיר
אזוי איז דא אסאך זאכען ווען לייגט מען א 'קאמע' , און ווען לייגט מען א 'פינטעל' . דאס בין איך שוין נישט אזוי קלאר
ווען שרייבט מען צוויי ווערטער צוזאמען און ווען עקסטער 'צומביישפיל' אדער 'צום ביישפיל' און אזוי איז דא אסאך זאכען
נאך אזאך (א זאך) איז ווען שרייבט מען איין שטרעכל ' און ווען צוויי ?" נאך א זאך ווען שרייבט מען נאך א 'ע' צום סוף (שרייבען) אדער קומט עס אהן (אן) א 'ע' (שרייבן). נאך א זאך צו לייגט מען אריין א 'ה' און א ווארט למשל אהן אדער אן
בקיצור ס'איז דא אסאך צו שרייבען
איז ווער עס קען ארויסהעלפען (ארויס העלפען) זאל ביטע שרייבען (שרייבן) יישר כח

על ראשון ראשון ועל אחרון אחרון:
איך זע[ה] אסאך שרייבערס דא זענען נישט קלאר
דער שטומער ה' ארויס, און שרייבערס אן דעם שטרעכל - ווייל דער שטרעכל קומט נאר ווען עס איז "יענעמ'ס" - צום ביישפיל: דעם שרייבער'ס פענע
און איך ווייס אז איך בין אויך נישט קלאר פונקטליך ווי אזוי צו שרייבן, ווי צום ביישפיל: ווען שרייבט מען 'און' און ווען שרייבט מען 'אין' - אייער ענטפער איז גראדע די ריכטיגע. למשל אין לשון הקודש איז ב - אין און ו' - און

אזוי זענען דא [נאך] אסאך זאכן [פראגן]: ווען לייגט מען א 'קאמע' - אין א זאץ. ווען לייגט מען א פינטל - ביי די ענדע פון א זאץ. למשל: ווען איך האב אנגעהויבן שרייבן אויף פאליש, בין איך נישט געווען זיכער צי איינער ליינט מיר.

נאך אזאך (א זאך) איז ווען שרייבט מען איין שטרעכל ' און ווען צוויי "?
צוויי שטרעכלען איז געווענליך ווען דו ציטירסט יענעמ'ס ווערטער. איינס איז ווען דו ווילסט, למשל, שרייבן אַן ענגלישע ווארט אדער א ווערטל, ווי למשל: ווען דו ביסט 'עוועילעבל' גיב מיר א קלינג. אדער: יענער איז נישט קיין 'מר בר רב אשי'.
נאך א זאך ווען שרייבט מען נאך א 'ע' צום סוף (שרייבען) אדער קומט עס אהן (אן) א 'ע' (שרייבן).
אן ע' איז אביסל מער קאמפליצירט. בקיצור: עס קומט נישט קיין ע', נאר נאך א מ' אדער נג און ל' אויב די פריערדיגע אות איז געווען א וואקאל

נאך א זאך צו לייגט מען אריין א 'ה' און א ווארט למשל אהן אדער אן
עס קומט נישט קיין איבעריגע ה'
בקיצור ס'איז דא אסאך צו שרייבען
[אמת]
איז ווער עס קען ארויסהעלפען (ארויס העלפען) זאל ביטע שרייבען (שרייבן) יישר כח
[איך האב פרובירט]

לגבי די שטומע ה"א, איז 'שלום עליכם' מחולק מיט דיר...

אבער איך האלט אז אויף די פארומס דארף מען נישט מאכן קיין מלער ווי אזוי מ'שרייבט - ווי לאנג מ'קען עס ליינען און מ'פארשטייט וואס יענער זאגט

אין די היינטיגע פראפעסיאנאלע ביכער וועסטו נישט טרעפן קיין שטומע ה'ס, נאר אין אזעלכע וואס זוכן צו מאכן מערערע קערעקטערס פאר נאך אפאר צענט אדער אנצופילן א בלאט... עס שטערט פשוט דעם לייענער

עס שטערט דעם ליינער ווייל מ'איז נישט געוואוינט דערצו

אבער כ'וועל דיר געבן צו פארשטיין פארוואס ס'איז פארט נישט 'שטום' און יא די ריכטיגע וועג צו שרייבן

ליין גוט ווי אזוי מ'זאגט די פאלגנדע זאצן:

יענקל בעהט שוין צום דריטן מאל זיין זוהן משה אויפצושטיין פון בעט

עס געפעלט איהם בכלל נישט אז משה פעהלט נאכאמאל פון ישיבה

"משה!" שרייט ער צו זיין זוהן "ס'איז שוין גרויס טאג, דער זון איז שוין טיעף אינמיטן הימל!"


דער פעהלער איז, אז דער ניגון האט צופיל פעלער